Мабільная група Гомельскага раённага выканаўчага камітэта

30.05.2025 начальнік аддзела нагляду за выкананнем заканадаўства аб ахове працы Гомельскага абласнога ўпраўлення Дэпартамента дзяржаўнай інспекцыі працы Людміла Васіленка прыняла ўдзел у выездзе мабільнай групы Гомельскага раённага выканаўчага камітэта на сельскагаспадарчыя прадпрыемствы Гомельскага раёна.

У ходзе работы мабільнай групы выяўлены парушэнні пры выкананні рамонтных работ тэхнікі, пастаноўкі сельгастэхнікі на рамонт, эксплуатацыі грузапад'ёмных машын і механізмаў, грузавых калясак.

У ходзе выезду ўстаноўлена, што 18 трактарыстам-машыністам не праведзены паўторныя і пазапланавыя інструктажы па ахове працы, аб чым сведчыць адсутнасць подпісаў работнікаў у Журнале рэгістрацыі інструктажу; работнікі адхілены ад працы.

Забаронена эксплуатацыя трох адзінак абсталявання.

У ходзе работы мабільнай групы, дзяржінспектарам Васіленка Л.М. праведзены прафілактычныя гутаркі з працуючымі па пытаннях захавання патрабаванняў аховы працы, матывацыі на бяспечную працу.